TERCERA REUNIÓN DO CLUB DE LECTURA
O martes, 21 de xaneiro, fixemos a tercera reunión do club de lectura, para comentar a obra de Manuel Núñez Singala, Instruccións para tomar café. Conxunto de relatos cos que o autor consegue reunir nun único libro: un libro de reclamacións, un libro de estilo, un libro de instruccións, e un libro de contos.
En xeral, o libro gustou moito. É un libro diferente e de fácil lectura. Nesta reunión, cada membro de club, leu en voz alta algún relato que lle chamase especialmente a atención e comentouno ante todos dando pé a un interesante debate. Algúns dos títulos foron: "Cocido familiar", "Amputado", "Gastronomía transfronteriza", "Poesía oriental", "Instruccións para parecer galego I,II e III, "Instruccións para falar do tempo", "Sacrificio", "Competencia"...
Neste conxunto de relatos indágase sobre nós mesmos, sobre o que nos fai grandes como seres humanos e tamén arredor das nosas mesquindades, sobre o que nos define como persoas e como galegos, e todo isto dende a ironía, cunha perspectiva impregnada de humor e retranca.
Nesta reunión decidimos ademáis, ler o libro La tigresa y el acróbata de Susanna Tamaro
SEGUNDA REUNIÓN DO CLUB DE LECTURA
O martes, 3 de decembro, reunímonos de novo para comentar o libro de María Reimóndez, A dúbida, unha obra chea de interesantes temas e dun profundo contido.
María Reimóndez é una das grandes referentes da literatura galega actual, e una firme defensora da perspectiva feminista en todos os ámbitos da vida.
Argumento do libro
Deli descobre un día pola mañá, coa chegada repentina da policía á súa casa, de que o seu home Vicente está acusado da violación dunha menor. A situación aínda empeora cando se descobre que a rapaza violada é Ana, a filla dos seus mellores amigos. A novela parte dun feito de gran peso para o desenvolvemento posterior da obra xa que, a partir del, xurdirán temas moi presentes e de debate na actualidade como é o caso da corrupción, da prostitución pero sobre todo do papel da muller na sociedade de hoxe.
O libro gustounos moito Un dos temas que máis debatimos foi se Deli debía apoiar ao seu marido sabendo que non era inocente como ela mesma coñecía, ou sacar valor e a diferencia de como farían moitas mulleres ocultando a verdade, ir en contra do seu marido e amosarlle a todo o mundo que realmente violou a Ana.
Despois de comentar o libro decidimos a próxima lectura que será o libro de Manuel Núñez Singala, Instruccións para tomar café.
