SEGUNDA REUNIÓN DO GRUPO MIXTO DO CLUB DE LECTURA
O pasado xoves, 1 de decembro, reunímonos
de novo os membros do grupo mixto do Club de lectura para comentar o libro de
Alice Oseman, Heartstopper I . Dos chicos juntos, unha
novela gráfica que contou cunha gran aprobación entre os membros do club.
Alice Oseman é unha escritora e
ilustradora británica que empezou a publicar con dezasete anos e xa é unha das
autoras máis vendidas do seu xénero. Escribe novelas románticas, a maioría
gráficas e de temática New Adult, mozos e mozas que entran na idade adulta ou
que empezan a descubrirse a si mesmos nos seus primeiros anos de instituto ou
de universidade.
Entre os seus libros publicados destaca
Heratstopper, unha saga composta por tres títulos polo momento: o primeiro de
todos é Heartstopper 1. Dous mozos xuntos, continúao, Heartstopper 2. A miña persoa
favorita e ségueo Heartstopper 3. Un
paso adiante.
O libro que comentamos nesta
reunión, trata a historia de amor entre dous mozos, un deles declaradamente
homosexual e o outro en vías de autodescubrimiento. En poucas líneas e a
través das imaxes a autora trata diferentes temas, que deunos moito para
debatir, como o bulling, os prexuizos, as inseguridades, a identidade sexual, o
amor, cunha visión aberta, natural e sensible, sen perder a delicadeza e a
emoción.
O libro, en xeral, gustou moito. Heartstopper é unha historia bonita. A súa
lectura é rápida e fluida. Os protagonistas Charlie e Nick son entrañables e a
súa historia de amor evoluciona tal como esperamos.
As ilustracións transmiten moi ben as
emocións e plasman perfectamente a trama. O final da historia queda truncado,
un dos protagonistas déixase vencer polo medo e outro acaba entristecido. Todos
quedamos con ganas de saber como continúa o romance de Charlie e Nick, así
que... A pola segunda parte!
Na reunión tamén eliximos a próxima
lectura que por votación maioritaria do alumnado foi a novela Antes
de diciembre. da xoven escritora de Wattpad, Joana Marcus.
A NOSA PRÓXIMA LECTURA
.jpg)
.jpg)
