TERTULIAS LITERARIAS NO LICEO DE OURENSE

   Un ano máis, o noso centro tivo a oportunidade de participar  nas Tertulias Literarias  que organizan a Concellería de Educación e a Deputación de Ourense. A primeira das tertulias, en castelán,  tivo lugar o pasado martes 19 de febrero.  O libro escollido para estas tertulias foi a novela Mejor la ausencia,  de Edurne Portela. O xoves 21, acudiu ao Liceo de Ourense, a autora do libro que mantivo un debate co alumnado dos centros participantes.

Eva, Verónica, Mar y Carmen, disfrutando da experiencia

 Eva coa autora do libro, Edurne Portela, firmándolle un exemplar do seu libro.

    A valoración destas tertulias é moi positiva pois todos enriquecémonos das diferentes impresións e achegas que fan os outros e  permiten  desenvolver habilidades sociais como a lectura, a expresión, o respecto ás opinións dos outros e ademáis entre  os adolescentes supéranse vergonzas e medos, etc.
 
 

TERCEIRA REUNIÓN DO CLUB

 

O martes  22 de xaneiro reunímonos os integrantes do club de lectura para falar do libro Agosto do 36 de Xosé. F. Ferreiro. O libro como o seu nome indica , narra o que aconteceu nunha aldea preto de Ourense a una parella de mestres, baseándose nun feito que pasou realmente.

 

A novela te atrapa dende o principio, a pesar de que tamén dende ese momento sábese o que vai pasar.. O autor narra os acontecementos dun modo tan real que nos vemos mergullados na trama, sufrindo cos personaxes e creando un clima cada vez máis tenso.

 

En xeral o libro gustou polo tema, por estar moi ben narrados os acontecementos e ter uns personaxes moi definidos que te provocan de inmediato posicionarte ó lado dos mestres e odiar ós que os persiguen.

 

Por último, na reunión tamén eliximos a nosa próxima lectura: Crónicas incongruentes de Miguelanxo Prado.

 

 

 



 

A NOSA PRÓXIMA LECTURA

                            O alumnado do club mostrando os exemplres da nosa próxima lectura:
                            Crónicas incongruentes de Miguelanxo  Prado