O libro que imos ler agora é O curioso incidente do can a medianoite,
do escritor británico Mark Haddon. Dispoñemos da súa versión orixinal en inglés
e as traducións en galego e castelán. Pareceunos unha boa elección, xa que foi
o máis lido no curso pasado por outros clubs.
Esta obra conta a historia de Christopher, un rapaz de 15 anos de idade que
vive en Swindon, no Reino Unido. A súa vida está marcada por un trastorno que
el padece, e que estaría enmarcado dentro do amplo espectro do autismo. E vai ser o
propio Christopher o que nos conte a súa vida.
Trátase dunha historia sobre as distintas maneiras de percibir a realidade. Seguro que Christopher nos vai facer
reflexionar co seu relato.
No hay comentarios:
Publicar un comentario