PRIMEIRA REUNIÓN DO CLUB DE PROFES

A principio de curso constituímos o club de lectura de profesores a través de Whass-App, tamén fixemos propostas de lectura e eliximos o libro por este mesmo medio. Agora tocaba reunirnos presencialmente por primeira vez, e fixémolo o pasado xoves 27 de novembro nun restaurante do centro de Ourense.

    As propostas de lectura foron:

• Lluvia fina de Luis Landero
• Rewind de Juan Tallón
• La fábrica de las sombras de Martín Ibón
• La ladrona de huesos de Manel Loureniro
• Instrucións para tomar café, de Núñez Singala
• O bosque dos raposos aforcados, de Arto Paasilinna
• La muy catastrófica visita al zoo, de  Joël Dicker
• Miss Merkel. Asesinato en alta mar de David Safier
• Azucre, de Bibiana Candía
• El olvido que seremos, de Héctor Abad
• Canto jo i la muntanya baila, de Irene Solà
• Árbores do deserto de Rosalía Fernández Rial
• Bicos e non balas de Antonio García Teijeiro
• El puente donde habitan las mariposas de Narareth Castellanos

  

  Despois dunha primeira votación, quedaron como finalistas:

• La fábrica de las sombras de Martín Ibón
• Instrucións para tomar café, de Núñez Singala
• Azucre, de Bibiana Candía

   

 E o libro elixido fianalmente foi Azucre.

    O libro gustou bastante en xeral, pareceunos de lectura fácil e moi lírico, á vez que duro, sobre todo sabendo que está baseado en feitos reais. A algúns membros do club, unha minoría, non lles gustou precisamente porque lles parecía demasiado triste.

    Comentouse o narrador, que vai cambiendo dunha terceira a unha primeira persoa, e que adopta o punto de vista de moitos personaxes populares, a súa forma de pensar, a súa relixiosidade, as súas supersticións, fatalismo...

    Tamén falamos da miseria e a constante presenza da morte na vida da maioría dos personaxes, ademais da fame, que aproveitan as persoas con poucos escrúpulos  para enriquecerse, como Urbano Feijoo de Sotomayor, o dono da compañía que os levou para explotalos como escravos.

    Falamos dos personaxes, de Orestes e o Rañeta, que se foron humanizando ao longo da obra e deixando atrás a rivalidade e a violencia ata o punto de que lle di ao seu irmán pequeno que non pelexe co irmán de Rañeta; dos irmáns xemelgos, un deles "O Comido", e como afecta esta circunstancia á súa vida, chea de resentimento. Isto tamén nos serviu para comentar lembranzas da crianza dos nenos nun mundo rural duro e en contacto coa natureza, no que este suceso non resultaría tan estraño.

    En definitiva, foi unha reunión moi agradable na que se combinaron as bromas cos comentarios serios sobre a lectura arredor dunha mesa, nun ambiente moi apracible e propicio para a conversa. 

    A todas as persoas asistentes nos gustou a experiencia e quedamos con gana de repetir, a ver se para a próxima se suman os compañeiros e compañeiras que non puideron vir desta vez e que botamos de menos.

Algúns momentos durante a reunión-cea:

TERCEIRA REUNIÓN DO GRUPO DE 1º E 2º DA ESO

    O luns 24 de novembro, reunímonos co alumnado de 1º e 2º da ESO. Tocaba rematar o libro I`m Obelix, de Raquel Fernánez Fernández, que, como comentaron na anterior reunión, estáballes a gustar moito.

    Nesta ocasión falamos dos distintos narradores e narradoras, porque mostraban o punto de vista de persoas que estaban en moi distinta situación con respecto á historia. É interesante coñecer o punto de vista de Ismael, o neno acosado, e comentouse moito o seu desexo de morrer, como lle dixo á psicóloga; pero tamén resultou interesante saber como pensaba Álex, o acosador, e a nai de Carme. Estes dous testemuños prodúcennos bastante malestar, porque xustifican o comportamento agresor.

    Tamén debatemos sobre a verosimilitude dos personaxes, e mesmo se comentou que varios coñecían rapaces que lles recordaban tanto ao acosado como aos distintos acosadores.

    A novela,  ademais de ser entretida e do agrado dos membros do club, serviu para reflexionar sobre un tema que preocupa moito actualmente nos centros de educación e esperamos que tamén sirva para sensibilizar sobre o tema e sobre a necesidade de non gardar silencio cando se presencia unha situación de acoso. 

Algúns momentos durante o debate:

    Reunirémonos de novo en decembro para escoller o segundo libro do noso club, agardamos que teña tanto éxito coma este. 

     

TERCEIRA REUNIÓN DO GRUPO MIXTO DE 3º E 4º DA ESO

 Dada a natureza numerosa do grupo, as reunións do noso club de lectura organizáronse  novamente en dúas xornadas consecutivas: a sesión do luns, 17 de novembro,  estivo dedicada ao alumnado de 3º e 4º de ESO que leu Martes con mi viejo profesor, de Mitch Albom; o martes, 18 de novembro, a reunión celebrouse co grupo de estudantes que leu Golpes de luz, de Ledicia Costas.

En xeral, a obra non está entre as predilectas do alumnado, que coincidiu en sinalar que a temática principal non lograba establecer unha conexión coas súas inquedanzas actuais.

O debate comezou centrándose na actitude do protagonista ante o avance da súa enfermidade, a ELA, e a súa consecuente dependencia. O que para moitos de nós podería percibirse como unha situación humillante ou vexatoria, el interprétao como unha verdadeira mostra de afecto e coidado por parte de quen o rodea.

O diálogo expandiuse a outros temas de interese, máis aló do drama da ELA: abordamos o contraste entre a vellez e a mocidade, analizando a actitude social contemporánea cara aos nosos maiores e as barreiras coas que se enfrontan no referente ao emprego das novas tecnoloxías.

Finalmente, dedicamos un espazo ao matrimonio, denunciando a situación de vulnerabilidade que historicamente viviron as mulleres ao carecer de opcións reais de separación ou independencia, así como o estigma social que conlevaba estar separada. Comentamos a profunda transformación desta realidade no contexto actual.

Algúns momentos durante o debate

Golpes de luz, Ledicia Costas

A novela gozou dunha extraordinaria acollida por parte do alumnado, que quedou cativado polo desenvolvemento desta divertida novela.

O debate da segunda parte iniciouse abordando a figura da avoa Luz e os momentos máis dinámicos e divertidos que ela protagoniza, destacando especialmente: o episodio no que, para destruír probas incriminatorias do narcotráfico, decide queimar un cofre ateigado de billetes; a anécdota na que destrúe unha aspiradora e entérraa no xardín ou o suceso do seu aniversario, onde se enfronta con gran carácter aos operarios para impedir que realicen arranxos no xardín.

 Fronte á comicidade destes fragmentos, a discusión virou cara aos aspectos máis serios e transcendentais da obra: o suposto suicidio da irmá da protagonista, debido aos abusos dos que foi vítima; a dureza da separación matrimonial por mor dunha infidelidade; os malos tratos escolares  ou bullying que padece Sebas nesta parte ou os remorsos derivados dun asasinato e o consecuente silencio mantido pola avoa Luz durante toda unha vida.

Profesores e alumnos durante o debate:

SEGUNDA REUNIÓN DO GRUPO DE 1º E 2º DA ESO

O mércores 5 de novembro, reunímonos co alumnado de 1º e 2º da ESO. Aínda que a lectura proposta inicialmente foi Las ventajas de ser un marginado, este título cambiouse por  I`m Obelix, de Raquel Fernánez Fernández, porque o grupo é moi numeroso e non había exemplares suficientes.

En xeral, o libro está tendo moi boa acollida. O seu ritmo áxil e o multiperspectivismo narrativo fai que resulte unha lectura atractiva e doada para o alumnado.

A reunión deunos para debater sobre temas como TDAH, visto desde perspectivas diferentes: a dos pais, a dos profesores… Tamén se falou sobre a necesidade e mesmo preocupación que, moitas veces, ten o alumnado por encaixar no grupo clase; o que nos leva a achegarnos aos alumnos máis populares, que non sempre van ser os máis axeitados nin afíns a nós. Despois disto, falamos do verdadeiro valor da amizade.

Hai un interese xeneralizado por saber que destino lle espera ao noso protagonista: se a situación que está a vivir se vai complicar, se esas burlas das que é obxecto se van incrementar…Para saber todo iso, temos que continuar lendo o libro.

Algúns momentos durante o debate:

SEGUNDA REUNIÓN DO GRUPO MIXTO 3º E 4º ESO

 Como xa comentamos, para que este grupo non fose tan numeroso e puidésemos participar todos, fixemos as reunións en dous días: o luns,  27 de outubro, reunímonos co alumnado de 3º e 4º que está lendo Martes con mi viejo profesor, de Mitch Albom, e o mércores, día 29 de outubro, co alumnado que está lendo Golpes de luz, de Ledicia Costas, para comentar a primeira parte de cada un destes libros:

En xeral, os alumnos coinciden en que o ritmo do libro é demasiado lento; polo que, lles está a resultar un tanto aburrido; ademais a temática da enfermidade da ELA e da morte, aínda que recoñecen que é interesante, vena cunha perspectiva afastada. Pola contra, ao profesorado está a gustarlle moito.

Aínda así, deunos para debater sobre temas moi interesantes como a familia, a ambición no mundo laboral, a xenerosidade do personaxe protagonista ou que entendemos uns e outros por “gozar da vida”.

O alumnado e os profesores durante o debate:

O día 29 reunímonos de novo coa segunda metade do grupo. Esta vez co libro Golpes de luz:

Este libro está sendo un éxito rotundo. Está engaiolando tanto a alumnos como a profesores. Co seu ritmo áxil e con eses toques de humor que salfiren toda a novela, capta a túa atención desde a primeira páxina.

O multiperspectivismo narrativo fai que moitos temas como o divorcio, a conciliación laboral e familiar, a demencia senil, o narcotráfico na Galiza dos anos 80 e 90 ou a obesidade infantil resulten unhas veces tenros e inocentes, baixo a mirada dos nenos: como a mirada de Sebas ou a dos seus inseparables amigos Noa e Guerreiro; e outras veces, humorísticos, cando chegan a nós da man da avoa Thor, con esa visión diferente á convencional e con ese xeito que ten de falar tan orixinal e espontáneo.

Estamos todos desexando ler a segunda parte para saber que segredo está a gardar Luz, a avoa, durante tantos anos e que lle ocorreu ao Arxentino. 

O alumnado e os profesores durante o debate, presidido polo bosque das ánimas:

PRIMEIRA REUNIÓN DO GRUPO MIXTO DE 3º e 4º DA ESO

 O pasado luns, 6 de outubro,  reunímonos os membros do grupo mixto do club de lectura "Mendebiblos". Dámoslles a benvida a todos e agradecemos a participación, que superou as nosas expectativas.

A continuación explicamos o funcionamento do club para aquelas persoas que viñan por primeira vez e pasamos a comentar as diferentes posibilidades de elección. 

Como o grupo era moi numeroso, decidimos dividilo en dous, de modo que eliximos dúas obras para que cada grupo empece cunha diferente e teñamos exemplares para todo o alumnado.

Os libros elixidos foron:

Sinopse:

Un testimonio extraordinario que enseña la lección más valiosa: cómo dar sentido a nuestra vida

Todos nosotros hemos conocido a alguien con grandes experiencias que nos ha inspirado en nuestra juventud y ayudado a ver el mundo de otra manera. Para Mitch Albom, esa persona fue Morrie Schwartz, su profesor en la universidad.

Cuando más tarde a Morrie le detectan ELA, Mitch aprovecha el poco tiempo que le queda junto a su profesor para retomar el contacto, visitarlo cada martes y mantener conversaciones profundas en las que se recupera el interés y la curiosidad por un mundo que, con el paso del tiempo, se había vuelto frío y descolorido.

En Martes con mi viejo profesor, Mitch y Morrie nos enseñan la lección más importante de nuestra vida.

Sinopse:

Xulia é xornalista e acaba de separarse, polo que regresa a Galicia co seu fillo Sebas. O rapaz ten dez anos e está convencido de que a avoa Luz é o deus Thor porque nunca se separa do seu martelo. Malia que agoche polvoróns nas medias, beba Sansón ata ver dobre e diga mentiras sen parar, Sebas adora a súa avoa. Xulia non opina o mesmo. Para ela, volver á casa familiar supón enfrontarse a un pasado cheo de segredos que precisa desvelar. O narcotráfico na Galicia dos anos noventa, o mundo dos coidados e a procura da verdade envolven este melodrama, salvaxe e tenro, habitado por uns personaxes inesquecibles. Despois do éxito de «Infamia», Ledicia Costas regresa, dende o seu talento creativo, con «Golpes de luz», unha novela sorprendente e divertida.

Os do club elixindo libro:

Un club bastante numeroso, case non cabemos na biblioteca.

Quedamos en vernos o luns vintesete do outubro, cando teñamos a metade do libro lido, para comentar as primeiras impresións.

PRIMEIRA REUNIÓN DO GRUPO DE 1º e 2º DA ESO

 

O pasado xoves, 2 de outubro,  reunímonos os membros do club de lectura de 1º e 2º da ESO.

Este ano somos un grupo bastante numeroso, agardamos que o entusiasmo non decaia e continuemos así ata o final. 

Dámoslle a benvida ao club a toda a rapazada, explicámoslle as normas, falamos do calendario de reunións e, a continuación, imos propoñendo títulos entre os que elixir a nosa primeira lectura. 

Finalmente, decidiron que na próxima reunión comentaremos a obra   Las ventajas de ser un marginado, de Stephen Chosky.

Sinopse do libro:

VIVIR al margen ofrece una perspectiva ÚNICA. Pero SIEMPRE llega el momento de entrar en escena y ver el MUNDO desde dentro.

Charlie, un chico ingenuo, mordaz y solitario, acaba de empezar el instituto. Vive con sus padres, su popular hermana y un hermano mayor que está a punto de comenzar la universidad. La cosa no pinta demasiado bien el primer día de instituto cuando solo consigue hacer un amigo: un alternativo profesor de Lengua interesado en despertar el genio creativo de Charlie.

Cuando conoce a la bella Sam y al excéntrico Patrick, unos chicos llenos de ganas de exprimir la vida al máximo, empieza a comprender lo que es crecer y hacerse adulto. Junto a ellos recorrerá caminos nuevos e inesperados: descubrirá música nueva, empezará a beber, a fumar, a salir de fiesta... e incluso se enamorará por primera vez.

Os membros do club preparados para a reunión:

Ao final mostran o libro elixido:

Quedamos de vernos de novo o 23 de outubro, cando vaiamos pola metade da lectura. Agardamos que a elección fose acertada e sexa do agrado de todos.

SEXTA E ÚLTIMA REUNIÓN DO GRUPO DE 1º e 2º DA ESO

O pasado mércores, 18 de xuño,  reunímonos os membros do club de lectura de 1º e 2º da ESO. Esta vez fixemos unha pequena excursión a pé ata Oira, para facer a nosa sesión nunha terraza ao aire libre. 

Comentamos A banda sen futuro, de Marilar Aleixandre. Aínda que comentan que era fácil de ler, non lles gustou moito. Parece que este ano só foi do seu gusto Erik Vogler. 

A historia non conseguiu enganchalos, e os problemas da protagonista, ter que chegar a un centro novo coa cabeza rapada por unha enfermidade, non lles resultaron próximos nin conseguiron empatizar con ela.

Trataremos de probar cousas novas o curso que vén, cun dobre obxectivo: conseguir que gocen coa lectura e abrir novos horizontes para educar o seu gusto literario e que non se reduza a un só tipo de libro.

Os membros do club, nun momento da saída:

Durante a reunión:

SEXTA E ÚLTIMA REUNIÓN DO GRUPO MIXTO DE 3º e 4º DA ESO

   O pasado venres, 13 de xuño,  reunímonos os membros do club de lectura de 3º e 4º da ESO mais profesores . Esta vez foi nun restaurante, como xa é tradición, para a despedida por este ano. Tamén despedimos aos itegrantes de cuarto da ESO, que se van do centro. Os de terceiro esperamos que sigan nesta actividade o vindeiro curso. 

Comentamos con As malas mulleres, de Marilar Aleixandre. Poucos conseguiron rematalo, posto que nos coincidiu cos Faladoiros do concello, que se celebraron o día anterior, e a maioría do alumnado tamén participou neles. Aos que lograron chegar ao final acabou gustándolles, xa que a segunda parte ten un ritmo máis áxil e é a parte máis novelada. A primeira parte contén moitas cartas de Concepción Arenal que, a pesar de que son un testemuño importante dunha época e da situación das mulleres  en prisións, ao noso alumnado resultoulles complicado e lento en exceso.

Asistiron bastantes e gustoulles moito a reunión nun lugar distinto ao habitual, polo que procuraremos repetilo.

Agradecemos a todos os asistentes a participación neste tipo de actividades que requiren un esforzo pola súa parte e pedimos unha valoración, coa intención de mellorar no vindeiro curso. En xeral gustoulles a actividade pero comentan que son demasiadas lecturas, que acaban coincidindo con exames. Terémolo en conta á hora de planificar o novo curso académico.

Os membros do club, diante da nosa biblioteca, momentos antes de saír para o restaurante:

QUINTA REUNIÓN DO GRUPO MIXTO DE 3º e 4º DA ESO

 O pasado xoves, 8 de maio,  reunímonos os membros do club de lectura de 3º e 4º da ESO. Como na cuarta reunión leramos distintos libros en cada curso, desta vez fixemos á inversa, o alumnado de 4º comentou Los incomprendidos de Pedro Simón e os de 3º As flores de ferro de María Rei Vilas.

Os asistentes ao club foron moitos menos desta vez, porque coincide xa no último trimestre, teñen moitas lecturas das materias de Lingua Galega e Lingua Castelá e dos Faladoiros do concello de Ourense, e ademais están preparando os exames. Isto fai que para anos vindeiros nos teñamos que replantexar o número de libros e o calendario de lecturas do club.

Os comentarios non diferiron moito da sesión anterior, resultoulles pouco atractiva a lectura en xeral, aínda que con algunhas excepcións.

Eliximos libro para a despedida do club deste curso, que terá lugar nun restaurante da cidade, como xa é tradición. Remataremos con As malas mulleres, de Marilar Aleixandre.

Os membros do club durante a reunión:

Libro elixido para a última reunión:

Sinopse:

A través das páxinas de As malas mulleres, asistimos a unha dura e apaixonante viaxe polo tramo final do século XIX, nunha historia a varias voces, a de Sisca, de 15 anos, presa por non seren as mulleres donas do seu corpo; as de mulleres como Concepción Arenal, visitadora de prisións; e Juana de Vega, cruciais para entendermos a nosa historia e as do “mudo coro das malas mulleres”, que entoa prantos sobre encontros cos predadores sexuais.

A novela está escrita contra a desmemoria, para recuperar a memoria das excluídas, reclusas no cárcere da Galera, da Coruña, en 1863. Unha atención ás excluídas onde Arenal e Juana de Vega, traballando a prol da dignificación das persoas, foron pioneiras. Asemade é un canto ao papel dos libros e a lectura en mellorar a vida das persoas, en dar esperanza ás desesperadas.

Como é habitual na obra de Marilar Aleixandre, a novela vai enmarcada nun ton poético e, sobre todo, nunha trama ben armada e chea de rexistros literariamente moi potentes.

QUINTA REUNIÓN DO GRUPO DE 1º e 2º DA ESO

 

O pasado mércores, 7 de maio,  reunímonos os membros do club de lectura de 1º e 2º da ESO para comentar o que máis nos gustou do libro proposto: Erik Vogler, de Beatriz Osés.

En xeral, a novela foi do agrado do alumnado, aínda que sinalaron que lles gustou máis o primeiro libro da colección porque mantiña a intriga desde o principio ata o fiñal; aínda así, as aventuras de as aventuras de Erik Vogler en Muerte en el Balneario volveron engaiolar aos nosos alumnos que comentaron, entre risas, as diferentes formas nas que tentan asasinar ao protagonista ao longo da obra e coincidiron en que o final foi especialmente divertido. Tamén manifestaron a súa intención de seguir lendo o resto dos libros da colección.

Os membros do club durante a reunión:

O libro elixido para a última reunión deste ano:

Sinopse:

A banda sen futuro reflicte a historia de Carlota, unha rapaza de dezaseis anos que debe facer amigos no seu instituto novo. Non é doado conseguilo e menos se unha ten o cabelo rapado ó cero e se sente como un ídem á esquerda. Carlota non entende por que os seus pais a obrigan a ir a clase. Só, Poch o cantante morto de Derribos Arias é quen de comprendela e manter longas conversas co ela desde a súa foto, aínda que non sempre lle dá a razón.Nestes meses Carlota descubrirá o amor e o desamor, e intentará pillar o ceo cos pés.A banda sen futuro reflicte a historia de Carlota, unha rapaza de dezaseis anos que debe facer amigos no seu instituto novo. Non é doado conseguilo e menos se unha ten o cabelo rapado ó cero e se sente como un ídem á esquerda. Carlota non entende por que os seus pais a obrigan a ir a clase. Só, Poch o cantante morto de Derribos Arias é quen de comprendela e manter longas conversas co ela desde a súa foto, aínda que non sempre lle dá a razón.Nestes meses Carlota descubrirá o amor e o desamor, e intentará pillar o ceo cos pés.

CUARTA REUNIÓN DO GRUPO DE 1º e 2º DA ESO

 O pasado venres, 21 de marzo,  reunímonos os membros do club de lectura de 1º e 2º da ESO para comentar o libro proposto: Aire negro, de Agustín Fernández Paz.

Descendeu o número de participantes, entre outras cousas porque coincidía coa avaliación, pero tamén porque se foron desanimando.

Foron poucos os que remataron o libro, por iso quedamos en que fariamos outra reunión máis informal no prazo dunha semana para comentar aspectos que non puidemos tratar para non desvelar o final.

Os membros do club durante a reunión:

Mostrando o libro que elixiron para a próxima lectura:

O libro elixido:

Sinopse:

Tras los crímenes de Bremen, Erik Vogler necesitaba un descanso. Una cura de reposo, tal y como le aconsejaron los médicos. No en vano, las pesadillas con el "rey blanco" le asediaban casi todas las noches. Por ese motivo, acepta la invitación de su abuela Berta para pasar una semana en un lujoso balneario. Por supuesto no imaginaba que un relajante baño de barro se iba a convertir en un verdadero infierno. Con un protagonista aparentemente repelente, la escritora Beatriz Osés ha iniciado una de las más originales sagas de novelas policíacas de los últimos años. Impactante y sorprendente en cada frase. Te atrapa desde el primer capítulo en una espiral de tensión. Puro thriller.